જ્યોતિષશાસ્ત્રનાં અનુસાર દરેક વ્યક્તિની રાશિ તેના સ્વભાવ પર ખૂબ જ અસર પાડતી હોય છે. રાશીના અનુસાર જ વ્યક્તિની અંદર ગુણ અને અવગુણ આવે છે. દરેક રાશિના લોકો પોતપોતાના અનુસાર પોતાના સંબંધોને નિભાવે છે. એવું માનવામાં આવે છે કે અમુક રાશિઓનાં લોકો અન્ય લોકોની તુલનામાં પોતાની રિલેશનશિપમાં વધારે પજેસિવ હોય છે.
તે પોતાના સંબંધને લઇને એટલા ગંભીર હોય છે કે તેમની અંદર પોતાની રીતે જ ભય અને પજેસિવનેસની ભાવના આવી જાય છે. ઘણીવાર તો તેમનો પોતાનો પણ તેના પર કોઈ કન્ટ્રોલ રહેતો નથી. આજે અમે તમને એવી જ ૩ રાશિઓની વિશે જણાવવા જઈ રહ્યા છીએ જે રાશિઓના વ્યક્તિ પોતાના પાર્ટનરને લઇને ખૂબ જ વધારે પજેસિવ રહેતાં હોય છે.
વૃષભ રાશિ
વૃષભ રાશિનાં લોકો પોતાના જીવનમાં સ્ટેબિલિટી ઈચ્છતા હોય છે. તેમને હંમેશા ડર હોય છે કે ક્યાંક તેમના જીવનમાં કંઈક ખરાબ ના થઈ જાય. જેના કારણે તે પોતાની રિલેશનશિપમાં પણ પ્રયત્ન કરે છે કે તેમને ક્યારેય પણ કોઈ તકલીફનો સામનો કરવો ના પડે. આ જ કારણ છે કે વૃષભ રાશિના લોકો પોતાના પાર્ટનરને લઇને થોડા ડોમિનેટીંગ અને પજેસિવ હોય છે. તેમની આ પજેસિવનેસ ફક્ત તેમના પાર્ટનર સુધી જ સીમિત રહેતી નથી પરંતુ તે પોતાની ચીજોને લઈને પણ ઘણા હદ સુધી પજેસિવ હોય છે. તે પોતાની દરેક ચીજને ખૂબ જ સંભાળીને રાખતા હોય છે. મહત્વપૂર્ણ છે કે તે તેમના વિશે ખુલીને બધાની સામે વાત પણ કરતા હોય છે.
વૃશ્ચિક રાશિ
વૃશ્ચિક રાશિના લોકો જે મેળવવા માંગતા હોય છે તેને મેળવીને જ ઝંપે છે. તેમની આ વાત તેમના રિલેશનશિપમાં પણ જોવા મળતી હોય છે. તે પોતાની રિલેશનશિપને સફળ બનાવવા માટે દરેક સંભવ પ્રયત્ન કરે છે. આ જ કારણ છે કે તે પોતાના પાર્ટનરને લઇને પણ ખૂબ જ પજેસિવ હોય છે. ઘણીવાર તો તે ચાલાકીથી પણ પોતાના સંબંધને બચાવી લેતાં હોય છે. એવું કહેવામાં આવે છે કે વૃશ્ચિક રાશિવાળા લોકોને પોતાના અંગત જીવનમાં કોઈની પણ દખલગીરી પસંદ હોતી નથી. તે પોતાના દરેક નિર્ણય પોતે જ લેવાનું પસંદ કરે છે, પરંતુ જો તેમના પાર્ટનરમાં પણ આ જ ચીજ જોવા મળે તો તે તેમને બિલકુલ પણ સારું લાગતું નથી.
કન્યા રાશિ
કન્યા રાશિનાં લોકો પોતાની લાગણીને સ્પષ્ટ રીતે વ્યક્ત કરી શકતા નથી. જો તેમને પોતાના પાર્ટનરની કોઈ ચીજથી તકલીફ પણ થાય છે તો તે ખુલીને તેમની સાથે તેના વિશે વાત કરી શકતા નથી પરંતુ તેમના સ્વભાવ અને ગુસ્સામાં આ વાત સ્પષ્ટ રીતે જોવા મળે છે. કન્યા રાશિના લોકોમાં પજેસિવનેસ અન્ય લોકોની તુલનામાં વધારે હોય છે. જો કે આ લોકો આ વાતને ક્યારેય પણ એકસેપ્ટ કરતા નથી. આ રાશિવાળા લોકો પોતાની પજેસિવનેસને દલીલ કરીને સાચી સાબિત કરવાના પ્રયત્ન કરતા હોય છે. તેમ છતાં પણ આ લોકો અન્ય લોકોની ભાવનાઓનો પણ ખ્યાલ રાખતા હોય છે.