Posted by લવિંગ એક પ્રકારની કળી હોય છે. જેનો પ્રયોગ સૂકવીને કરવામાં આવે છે અને તે ખૂબ જ સુગંધિત હોય છે. તેને શાકભાજી, ચોખા અને અન્ય પ્રકારના ભોજનની ચીજોમાં ઉમેરવામાં આવે છે. લવિંગને મસાલાની શ્રેણીમાં રાખવામાં આવે છે અને તેને ખાવાથી શરીરને ઘણા પ્રકારના લાભ મળે છે. દરરોજ ફક્ત બે લવિંગનું સેવન કરવાથી ઘણી ખતરનાક બિમારીઓ તમારાથી દૂર રહે છે અને શરીર હંમેશા હેલ્ધી જળવાઈ રહે છે.
આયુર્વેદમાં લવિંગને ઔષધીના રૂપમાં ઉપયોગ કરવામાં આવે છે અને ઘણી દવાઓ બનાવવામાં પણ તેનો પ્રયોગ કરવામાં આવે છે. વળી જે લોકો દરરોજ રાતે સુતા પહેલા બે લવિંગની કળીઓ પાણી સાથે ખાય છે તેમને ઘણી બિમારીઓમાંથી છુટકારો મળી જાય છે. તેથી તમારે પણ લવિંગનું સેવન કરવાનું શરૂ કરી દેવું જોઈએ. પાણીની સાથે લવિંગ ખાવાથી ફાયદા શું હોય છે તે આ પ્રકારે છે.
પાચનક્રિયા યોગ્ય રહે છે
લવિંગને પાચન ક્રિયા માટે ખૂબ જ લાભદાયક માનવામાં આવે છે અને તેને ખાવાથી પાચન ક્રિયા યોગ્ય જળવાઈ રહે છે. તેના સિવાય કબજીયાત અને ગેસની સમસ્યા પણ થતી નથી. વળી જે લોકો નિયમિત રૂપથી તેનું સેવન કરે છે તેમને પેટનો દુખાવો, ઝાડા જેવા રોગો પણ થતાં નથી. હકીકતમાં લવિંગની અંદર એન્ટિમાઇક્રોબીયલ ગુણ મળી આવે છે. જે પેટની અંદર રહેલા હાનીકારક બેક્ટેરિયાને નષ્ટ કરી નાખે છે.
હાડકાઓ રહે છે મજબૂત
લવિંગને ખાવાથી હાડકાઓ મજબૂત જળવાઈ રહે છે તેથી જે લોકોના હાડકાઓ કમજોર છે તે લોકોએ રોજ રાતે સુતા પહેલા લવિંગ જરૂર ખાવું જોઈએ. લવિંગની અંદર મેગ્નેશિયમ સારી એવી માત્રામાં મળી આવે છે. જે હાડકાઓને કમજોર થવા દેતું નથી.
શરદી ઉધરસ થતા નથી
દરરોજ લવિંગ ખાવાથી શરદી અને ઉધરસ સામે રક્ષણ મળે છે. લવિંગમાં વિટામિન-સી મળી આવે છે અને વિટામિન-સી શરીરની રોગપ્રતિરોધક ક્ષમતાને મજબૂત બનાવીને રાખે છે. જેના કારણે શરદી અને ઉધરસ થવાનો ભય ઓછો થઈ જાય છે.
ડાયાબિટીસ સામે રક્ષણ
ડાયાબીટીસ જેવો ઘાતક રોગ તમને ના થાય તેના માટે તમારે લવિંગ ખાવું જોઈએ. કારણકે લવિંગનું સેવન કરવાથી ડાયાબિટીસ થવાનું જોખમ ખૂબ જ ઓછું થઈ જાય છે અને બ્લડ શુગર કંટ્રોલમાં રહે છે. લવિંગ પર કરવામાં આવેલ એક રિસર્ચ અનુસાર લવિંગમાં મળી આવતા ખાસ તત્વ જેમકે નાઈઝેરીસીન ઇન્સ્યુલિનની માત્રામાં વધારો કરે છે. જેના કારણે ડાયાબિટીસ થતું નથી. વળી જે લોકોને આ રોગ હોય જો તે લવિંગનું સેવન દરરોજ કરે છે તો બ્લડ શુગર કંટ્રોલમાં રહે છે.
લીવર રહે છે સ્વસ્થ
લીવર માટે પણ લવિંગને યોગ્ય માનવામાં આવે છે અને તેને ખાવાથી લીવર સાથે જોડાયેલ રોગ થતા નથી. જે લોકો નિયમિત રૂપથી તેનું સેવન કરે છે. તેમનું લીવર યોગ્ય રીતે કાર્ય કરતું રહે છે અને લિવર સાથે જોડાયેલ રોગ થવાનું જોખમ ખૂબ જ ઓછું થઈ જાય છે. તેથી એક સ્વસ્થ લીવર મેળવવા માટે તમારે રોજ પાણીની સાથે બે લવિંગ કળીઓ જરૂર ખાવી જોઈએ.