ઈન્ટેલિજન્ટ કે બુદ્ધિશાળી હોવાની વાત કરવામાં આવે તો લોકો હંમેશા તેને અભ્યાસ સાથે જોડવા લાગે છે, પરંતુ બુદ્ધિશાળી હોવાનો મતલબ ફક્ત અભ્યાસમાં હોશિયાર હોવું જરૂરી નથી. વ્યક્તિને પોતાના મગજનો ઉપયોગ યોગ્ય જગ્યાએ કરતા આવડવો જોઈએ, ત્યારે જ તેને બુદ્ધિશાળી કહેવામાં આવે છે. એક બુદ્ધિશાળી વ્યક્તિ એ હોય છે જે પોતાના નિર્ણય લેવામાં સક્ષમ હોય છે. જેને દુનિયાના છળકપટનું જ્ઞાન હોય તે વ્યક્તિને બુદ્ધિશાળી કહેવામાં આવે છે. મગજ તો દરેક વ્યક્તિને ભગવાન સરખું જ આપે છે પરંતુ કોઈ તેનો વધારે ઉપયોગ કરે છે તો કોઈ ઓછો. જે વ્યક્તિઓ અન્ય લોકોની તુલનામાં પોતાના મગજનો વધારે ઉપયોગ કરે છે, તેને ઈન્ટેલિજન્ટની કેટેગરીમાં રાખવામાં આવે છે પરંતુ બધાનું મગજ સરખું ના હોવાના પાછળ રાશિઓ પણ જવાબદાર હોય છે. જ્યોતિષશાસ્ત્રનું માનીએ તો વ્યક્તિ કેટલો બુદ્ધિશાળી છે તેમની જાણ તેમની રાશિ પરથી લગાવી શકાય છે. તો ચાલો જાણી લઈએ તે રાશિઓના વિશે જે ખૂબ જ બુદ્ધિશાળી હોય છે.
વૃશ્ચિક રાશિ
આ રાશિના લોકોને ખૂબ જ ગંભીર અને બુદ્ધિશાળી માનવામાં આવે છે. તેમને વધારે આકર્ષક રાશિવાળા લોકોની શ્રેણીમાં રાખવામાં આવ્યા છે. મગજની બાબતમાં તે મોટા મોટાને માત આપે છે. તેમની સામે ટકી શકવું કોઈપણ માટે મુશ્કેલ કામ હોય છે. તેનામાં ગજબની લર્નિંગ પાવર હોય છે. તેમના વિરુદ્ધ જો કોઈ ષડ્યંત્ર રચે છે તો તેમને પહેલાથી જ તેમની ભનક લાગી જતી હોય છે. તેમની બુદ્ધિની ચર્ચાઓ દૂર દૂર સુધી થાય છે.
કન્યા રાશિ
જે લોકો તેમની આસપાસ રહે છે તેમની નજરમાં કન્યા રાશિવાળા ખૂબ જ શાંત અને રિઝર્વ હોય છે પરંતુ તે તે જાણતા નથી હોતા કે તેમનો આ જ સ્વભાવ લોકોને ઓબ્ઝર્વર કરવાના ખૂબ કામમાં આવે છે. મગજથી તો આ લોકો ખૂબ જ શાર્પ હોય છે અને કોઈપણ ચીજ ખૂબ જ જલ્દી કેચઅપ કરી લેતા હોય છે. તે કોઈપણ સમસ્યાનો ઉકેલ ખૂબ જ સરળતાથી કાઢી શકે છે અને લોકો તેમને હરતું-ફરતું ગૂગલ કહે છે.
મેષ રાશિ
મેષ રાશિના જાતકોનું ઈંટયૂશન ખૂબ જ તેજ હોય છે. તે પોતાનું મગજ તેના દ્વારા જ ચલાવે છે. તેમનામાં કોન્ફિડન્સ ખૂબ જ વધારે હોય છે. તેમને મૂર્ખ બનાવવા કે ઠગવાના વિશે વિચારવું પણ પાપ છે. સામેવાળા પોતે મૂર્ખ બની જશે પરંતુ તે નહી બને. તેમના મગજમાં દરેક સમયે કંઈક ને કંઈક ચાલતું રહે છે. તેમને લોકો ઘણીવાર તેમનાં પોઝીટીવ વિચાર માટે પણ યાદ કરે છે.
સિંહ રાશિ
આ રાશિવાળા લોકો પર “આત્મવિશ્વાસ સફળતાની ચાવી છે” તે કહેવત બિલકુલ યોગ્ય બેસે છે. તેમનામાં આત્મવિશ્વાસ ભરપૂર હોય છે, જે તેમને પર્સનલ અને પ્રોફેશનલ જીવનમાં સ્ટાર બનાવે છે. તે પોતાનું મગજ બિનજરૂરી ચીજોમાં લગાવવાથી બચે છે. તે એક ચીજને ટાર્ગેટ બનાવે છે અને તેને મેળવવા માટે પોતાના મગજનો ભરપૂર ઉપયોગ કરે છે. તેમને દરેક કામ પોતાના અંદાજમાં કરવું પસંદ હોય છે. તેમને પોતાના કામમાં કોઈ અન્ય વ્યક્તિની દખલગીરી પસંદ હોતી નથી.
મકર રાશિ
આ રાશિના જાતકોનું આઇકયું લેવલ ગજબનું હોય છે. તેમને માર્કેટ અને ટ્રેન્ડની સારી એવી સમજ હોય છે. આ લોકો પોતાની મહેનતના જોર પર પ્રસિદ્ધ થાય છે. તે મુશ્કેલમાં મુશ્કેલ કામને કરવા માટે ફક્ત પોતાના મગજનો જ ઉપયોગ કરે છે. તેમને અન્ય લોકોની મદદ લેવી પસંદ હોતી નથી. વાંચન-લેખનની બાબતમાં આ રાશિવાળા લોકો અન્ય રાશિઓની તુલનામાં ખૂબ જ તેજ હોય છે. જ્યાં લોકો વિચારવાનું બંધ કરે છે ત્યાંથી તે વિચારવાનું શરૂ કરે છે.