કહેવામાં આવે છે કે પ્રેમ ક્યારે અને કોની સાથે થઈ જાય તે કહી શકાતું નથી. બસ આ જ પ્રકારે તમારા દુશ્મન પણ ક્યારે અને કોણ બની જાય તેના વિશે પણ કહી શકાય નહી. આમ તો દુનિયામાં લગભગ જ એવું કોઈ વ્યક્તિ હશે જેમના દુશ્મન હોતા નથી. જોકે અમુક લોકો એવા પણ હોય છે જેમના દુશ્મનોની સંખ્યા સૌથી વધારે હોય છે. આ લોકોમાં અમુક એવી ખાસ વાતો હોય છે જેના કારણે તેમના દુશ્મન બાકી લોકોની તુલનામાં વધારે હોય છે. તેવામાં આજે અમે તમને તે રાશિઓના વિશે જણાવીશું. સાથે જ અમે તમને જણાવીશું કે આખરે શા માટે આ રાશિના જાતકોના દુશ્મન સૌથી વધારે હોય છે.
મેષ રાશિ
આ રાશિના જાતકો હંમેશા નસીબનું જ ખાય છે. તેમને વધારે મહેનત કર્યા વગર જ બધું જ સરળતાથી મળી જાય છે. બસ તેમની આ વાતથી જ લોકોને તેમનાથી જલન થતી હોય છે. આ કારણને લીધે જ તેમના દુશ્મનોની સંખ્યા સતત વધતી રહે છે. ઘણા લોકો તેમને તેમના ટેલેન્ટ અને અલગ વિચારસરણીના લીધે પણ પસંદ કરતા નથી. મેષ રાશિના જાતકો હંમેશાં જ જીવનમાં કંઈક આઉટ ઓફ ધ બોક્સ કરે છે. તેમની આ વાત પણ અમુક લોકોને પચતી નથી અને તેમના રસ્તામાં અડચણો ઉત્પન્ન કરવા લાગે છે.
કર્ક રાશિ
આ રાશિના લોકો બિન્દાસ સ્વભાવવાળા હોય છે. તેમના દિલમાં જે પણ હોય છે તે ખુલીને બોલી દેતા હોય છે. તેમને લોકોની પીઠ પાછળ ખરાબ બોલવાની જગ્યાએ તે વ્યક્તિની સામે જ બોલી દેવું પસંદ હોય છે. આ લોકો હંમેશા સાચી અને કડવી વાતો બોલતા હોય છે. જે લોકોને પસંદ આવતી નથી. બસ આ જ કારણથી તેમને ઘણા લોકો નાપસંદ કરવા લાગે છે. તેના સિવાય તેમનો ગુસ્સો પણ ખૂબ જ ખતરનાક હોય છે. ગુસ્સામાં તે ઘણીવાર એવા પણ કામ કરે છે જેના લીધે તેમની અન્ય લોકો સાથે પાક્કી દુશ્મની થઈ જાય છે.
મકર રાશિ
આ રાશિવાળા લોકોને અન્ય લોકો સાથે પંગો લેવાની આદત હોય છે. તે જરા પણ સહન કરી શકતા નથી અને ચૂપ પણ બેસી શકતા નથી. જે તેમને ખોટું લાગે છે તે બિન્દાસ કહી દે છે. અન્ય લોકોને સાચું કહેવામાં તે જરાપણ પાછળ હટતા નથી. આ કારણને લીધે તેમના દુશ્મન પણ દિવસે ને દિવસે વધતા રહે છે. જો કે તે પોતાના દુશ્મનોથી પણ ડરતા નથી. તેમને એ વાતની સારી રીતે જાણ હોય છે કે તેમના કેટલા દુશ્મન છે અને કઈ સ્થિતિમાં વધારે બની શકે છે. પરંતુ તે હંમેશા નીડર રહે છે અને તેને જે સાચું લાગે છે તે જ કરે છે.
વૃશ્ચિક રાશિ
આ રાશિના જાતકોના દુશ્મન પણ ઓછા હોતા નથી. તેમની જીવનમાં જ્યારે પણ પ્રગતિ થાય છે તો તેમનાથી લોકોને જલન થાય છે. લોકો તેનું સારું થતાં પણ જોઈ શકતા નથી અને તેમનું નીચું બતાવવા કે બરબાદ કરવા માટે વિચારતા રહે છે. ઘણીવાર તો તેમના દુશ્મન એટલા વધારે બની જાય છે કે તેમનું અંગત જીવન પણ ડગમગી જાય છે.