ડેન્ગ્યુથી લઈને હ્રદય સંબંધિત બિમારીઓ માટે રામબાણ છે કીવી, ફાયદા જાણીને આજથી જ શરૂ કરી દેશો ઉપયોગ

સામાન્ય રીતે આપણે અહીયા કીવીનું સેવન ખૂબ જ ઓછું કરવામાં આવે છે. જ્યારે સ્વાસ્થ્ય માટે જોવામાં આવે તો તે ખૂબ જ ફાયદાકારક હોય છે. આજે અમે તમને કીવીનાં અમુક એવા ફાયદાઓ વિશે જણાવવા જઈ રહ્યા છીએ, જેને સામાન્ય રીતે લોકો ઓછા જાણતા હશે. કીવી ફાઇબર, વિટામિન-સી અને એન્ટિ-ઓક્સિડન્ટથી ભરપૂર હોય છે. સાથે જ તે સ્વાદમાં પણ ખૂબ જ લાજવાબ હોય છે. એટલા માટે જો તમે હજુ સુધી તેનો સ્વાદ ચાખ્યો ના હોય તો જરૂર ચાખી લો કારણ કે તેના ફાયદા વિષે જાણ્યા બાદ તમે પણ તેના દિવાના થઈ જશો. તો ચાલો જાણી લઈએ કીવી ખાવાના ફાયદાઓ શું શું છે.

કીવી દેખાવમાં બહારથી ચીકુ જેવું હોય છે. તેનું બહારનું સ્તર રેસાયુક્ત હોય છે, જ્યારે અંદરથી તે લીલા રંગનું રસીલું હોય છે. આમ તો તેને સૌથી પહેલા ચીનમાં ઉગાડવામાં આવતું હતું પરંતુ ત્યારબાદ ત્યાંથી તે ન્યુઝીલેન્ડ પહોંચ્યા અને આજે સંપૂર્ણ દુનિયામાં તેની ઘણી બધી જાત છે. પોતાના ઇન્ફ્લેમેટરી ગુણોથી ભરપૂર કીવી અર્થરાઈટિસની સમસ્યા માટે ખૂબ જ કારગર હોય છે, તો વળી તે શરીરનાં અંદરનાં ઘા ને મટાડવામાં મદદ કરે છે. સાથે જ તેમના સેવનથી બીજી ઘણા પ્રકારની સમસ્યાઓમાં પણ લાભ મળે છે.

જેમ કે ડેન્ગ્યુ થવાની સ્થિતિમાં બ્લડમાં પ્લેટલેટ્સની સંખ્યા ઓછી થવા લાગે છે, વળી કિવીના સેવનથી બ્લડમાં પ્લેટલેટ્સની સંખ્યા વધારી શકાય છે. સાથે જ કીવી ખાવાથી ડેન્ગ્યુ અને ચીકનગુનિયા જેવી બિમારી સામે લડવાની શક્તિ પણ મળે છે. તેવામાં ડેન્ગ્યુના દર્દીઓ માટે કીવી રામબાણ સાબિત થાય છે. આ જ કારણ છે કે ડોક્ટર પણ ડેન્ગ્યુના દર્દીને રોજ ઓછામાં ઓછા ૨ કીવી ફળ ખાવાની સલાહ આપે છે.

કીવીમાં ભરપૂર માત્રામાં ફાઇબર હોય છે. તેવામાં કીવીનું સેવન કોલેસ્ટ્રોલને નિયંત્રણ કરવામાં સહાયક છે અને તેનાથી શરીરમાં ગુડ કોલેસ્ટ્રોલની માત્રા વધે છે. જેના લીધે હૃદય સંબંધિત ઘણી ગંભીર બિમારીઓમાંથી છુટકારો મળે છે. જ્યારે કીવીનાં નિયમિત સેવનથી હાર્ટ-એટેકથી લઈને લીવર, સ્ટ્રોક, કાર્ડિયાક એસ્ટેટ જેવી ઘણી ગંભીર બિમારીઓથી પણ બચી શકાય છે.

કીવીનું સેવન કરવાથી તે શરીરમાં શુગર લેવલને નિયંત્રણમાં રાખે છે. સાથે જ કીવીમાં ગ્લાયિસિમિક ઇન્ડેક્સ ઓછું હોવાથી બ્લડ સુગર જલ્દી વધતું નથી. વળી તેમનું ગ્લાસીમિક લોડ ૪ છે, જેના કારણે તે ડાયાબિટીસના દર્દીઓ માટે એકદમ સુરક્ષિત છે.

જ્યારે કીવીનું સેવન આંખોની ઘણી બિમારીઓ માટે પણ ખૂબ જ ફાયદાકારક સાબિત થાય છે. હકિકતમાં તેમાં લ્યૂટિન હોય છે, જે આપણી સ્કિન અને ટિશ્યુઝને સ્વસ્થ રાખવામાં માટે સહાયક છે. જ્યારે આંખોની વધારે સમસ્યા તેના લ્યૂટિનનાં નષ્ટ થવાના કારણે ઉત્પન્ન થાય છે. જ્યારે તેના સિવાય કીવીમાં ભરપૂર માત્રામાં વિટામિન-ઇ અને સી મળી આવે છે, જે આંખોના સ્વાસ્થ્ય માટે સારું હોય છે.

કીવી જોવામાં જેટલું સુંદર હોય છે, ગુણોના વિષયમાં એટલું જ લાજવાબ છે. તેનું સેવન સ્કિન માટે પણ ઘણું લાભદાયક હોય છે. તેમાં રહેલા વિટામિન-સી, ઈ અને એન્ટિ-ઓક્સિડન્ટ સ્કિનને યુવાન અને સ્વસ્થ બનાવી રાખવામાં મદદગાર હોય છે. તેવામાં જો તમે નિયમિત રૂપથી કીવીનું સેવન કરો છો તો તેની અસર તમારી ત્વચા પર જરૂર જોવા મળે છે.

કીવીમાં ભરપૂર માત્રામાં ફાઈબર હોવાથી તે પેટ માટે ખૂબ જ લાભકારી હોય છે, જ્યારે તેમાં એન્ટીનીડેન નામનું એક એન્જાઈમ હોય છે, જે એક પ્રોટીનનાં પાચનમાં સહાયક હોય છે. તેવામાં કીવીનું સેવન પાચન સંબંધીત સમસ્યાઓમાં ખૂબ જ કારગર હોય છે. કીવીનાં નિયમિત સેવનથી કબજિયાતની સમસ્યા ઘણા હદ સુધી સારી થઈ શકે છે.