સવાલ : હું એક પરિણીત મહિલા છું. મારા લગ્ન થયાને હજુ વધારે સમય નથી થયો. હું મારા લગ્નજીવનમાં ખુબ જ ખુશ છું પરંતુ મારી સમસ્યા એ છે કે મારા પતિ મારી સાથે રહેતા નથી. હકિકતમાં તેમણે પોતાનાં કામને કારણે બહાર વધારે જવું પડે છે. લગ્નનાં શરૂઆતનાં દિવસોમાં હું તેનાં આવા વર્તનથી ખુબ જ નારાજ હતી પરંતુ ત્યારબાદ મેં મારી ફ્રેન્ડ સાથે બહાર જવાનું શરૂ કર્યું.
પતિની ગેરહાજરીમાં હું પણ ખુશ હતી. મેં માત્ર મારા સમયનો આનંદ જ ઉઠાવ્યો નહી પરંતુ નવા મિત્રો પણ બનાવ્યા પરંતુ હવે સમસ્યા એ છે કે મારા પતિ ઘરે પાછા આવી રહ્યાં છે, જે હું હવે ઇચ્છતી નથી. હું ઇચ્છું છું કે તે હંમેશાં મુસાફરી કરે, જેથી કરીને મને મારા મિત્રો અને સાથીદારો સાથે આનંદ કરવાની તક મળે. શું આ વિચારનાં કારણે મારું લગ્નજીવન મુશ્કેલીમાં છે?.
(બધા ફોટા પ્રતિકાત્મક છે, અમે યુઝર્સ દ્વારા શેર કરેલી સ્ટોરીમાં તેમની ઓળખ ગુપ્ત રાખીએ છીએ.)
એક્સપર્ટનો જવાબ
તમારી વાતો પરથી હું સમજી શકું છું કે તમે અને તમારો પાર્ટનર એકબીજાને પ્રેમ કરો છો પરંતુ કામનાં કારણે તમારા બંને માટે સાથે રહેવું મુશ્કેલ છે, જે હવે તમારી આદતમાં સામેલ થઈ ગયું છે. જો કે એકલા સમય અને તમારા પોતાનાં વિશે વિચારવું એ ખરાબ વાત નથી પરંતુ જ્યારે લગ્નજીવનની વાત આવે છે ત્યારે પરિસ્થિતિઓ ઘણી રીતે અલગ હોય છે. આ પણ એક કારણ છે કે તમે જે જીવન જીવવાનું વિચારી રહ્યા છો તે તમારા લગ્નજીવનને સંપુર્ણપણે બરબાદ કરી શકે છે.
પતિની નજીક જવાની કોશિશ કરો
હું સારી રીતે સમજું છું કે તમારો પતિ બહાર રહે છે, જેનાં લીધે તમારી તેમની સાથેનો પ્રેમ પણ ઓછો થઈ ગયો છે પરંતુ તમારે તમારા લગ્નજીવનને રોમેન્ટિક બનાવવા માટે થોડા પ્રયાસ પણ કરવા પડશે. હું એવું બિલકુલ નથી કહેતો કે જીવનને રસપ્રદ રાખવા માટે તમારા જીવનસાથીની સંપુર્ણ જવાબદારી લઈ લો પરંતુ જ્યારે તે ચીજો વિશે વિચારો, જેને જોઈને તમે તમારા પતિને પસંદ કર્યા હતાં. આવું કરવાથી તમને પોતાનાં પતિને સમજવામાં મદદ મળશે અને સાથે જ બંને એકબીજાની નજીક પણ આવશો.
એટલું જ નહીં જો તમે ફક્ત તમારા માટે જ સમય કાઢવા માંગતા હોય તો તમારા શોખ અને પોતાના ખાલી સમય માટે એક યોજના બનાવો, જે તમને ખુશી આપે છે. સુઈ જવું કે ટીવી જોવું મહત્વ રાખતું નથી. તે ગતિવિધિઓને શોધો, જેને તમે પુરું કરવાનાં સપના જોતા હતાં. તેમાં ડાન્સ ક્લાસ જોઇન કરવાથી લઈને ભોજન બનાવવા સુધીનું કંઈપણ કામ સામેલ હોય શકે છે.
પતિ સાથે કરવી પડશે વાત
જો તમે હકિકતમાં પોતાનાં લગ્ન જીવનમાં કોઈપણ પ્રકારનો તણાવ લેવા માંગતા નથી તો પોતાના જીવનસાથી સાથે લગ્નજીવનની લાઈફસ્ટાઈલ બદલવા પર ચર્ચા કરો. બની શકે છે કે એકબીજાની સાથે વધારે સમય પસાર કરવા માટે ઘરનાં કામને પણ વિભાજીત કરવું યોગ્ય હોય. ભલે તમે બંને કામ કરી રહ્યા હોય અથવા તો ઘરમાં એકસાથે સમય પસાર કરી રહ્યા હોય પરંતુ જો તમારા બંનેમાં કોઈપણ એક વ્યક્તિ ઘરનાં કાર્યમાં ફસાયેલ છે તો બીજા સાથી એ બાકી કામની સંપુર્ણ જવાબદારી લઈ લેવી જોઈએ, જે બિલકુલ પણ કંઈ ખોટું નથી.
એટલું જ નહીં પતિ-પત્નિ માટે એકબીજાનાં શોખનો પીછો કરવાનો સમય પણ તેમને એકબીજાની નજીક લાવે છે. તમે ઈચ્છો તો પોતાના પતિના શોખને અપનાવીને તેમની નજીક જઈ શકો છો. ભલે તમને પોતાનાં સંબંધમાં પરિવર્તન સ્પષ્ટ નજર આવી રહ્યું હોય પરંતુ એવી અપેક્ષા બિલકુલ પણ ના રાખો કે તમારું જીવનસાથી તમારી તમામ જરૂરિયાતોને પુરી કરે.
તમારો પતિ તમારો સૌથી સારો મિત્ર, સૌથી નજીકનો સાથી અને સાચો પ્રેમી હોય શકે છે પરંતુ મિત્રો અને પરિવારનાં સદસ્યો સાથે તેમની તુલના કરવી બિલકુલ પણ યોગ્ય નથી. આવું એટલા માટે કારણકે કોઈ ખાસ મિત્ર સાથે મસ્તી-મજાક કરવાથી તમારો દિવસ ભલે સારો જતો હોય પરંતુ પોતાનાં પતિને ગળે લગાવવાથી તમારી ખુશી એક અલગ જ લેવલ પર હશે. થોડો સમય એકલા અથવા તો પોતાનાં મિત્રો સાથે પસાર કરવો સારું રહે છે પરંતુ જ્યારે તે તમારી આદત બની જાય છે તો તેનાં લીધે ઘણી બધી ચીજોને નુકસાન પહોંચી શકે છે.