જો શિયાળામાં તમારા પણ હોઠ ફાટી જતા હોય તો અપનાવો આ ઉપાયો, મુલાયમ રહેશે તમારા હોઠ

Posted by

શિયાળાની ઋતુમાં વાતાવરણ ખૂબ જ શુષ્ક હોય છે, જેના લીધે આ ઋતુમાં લોકોને ઘણી બધી સમસ્યાઓ ઉત્પન્ન થાય છે. ઠંડી હવાઓનાં કારણે લોકોની ત્વચામાંથી ભેજ નીકળી જાય છે અને ત્વચા શુષ્ક બની જતી હોય છે. તેનાથી સૌથી વધારે નુકસાન હોઠને પહોંચતું હોય છે કારણકે હોઠની ત્વચા સૌથી વધારે નરમ હોય છે. દરેક વ્યક્તિની એવી ઇચ્છા હોય છે કે તેમના હોઠ નરમ, મુલાયમ અને ગુલાબી જળવાયેલા રહે. પરંતુ શિયાળાની ઋતુમાં યોગ્ય રીતે સાર સંભાળ ના થઇ શકવાના કારણે હોઠ ખરાબ રીતે ફાટી જતા હોય છે. આજે અમે તમને અમુક એવા ઉપાયો જણાવવા જઈ રહ્યા છીએ, જેમને અપનાવીને તમે પોતાના હોઠને ફાટવાથી બચાવી શકો છો અને તેમને ગુલાબી જાળવી રાખી શકો છો. આ ઉપાયો માટે તમારે પૈસા પણ ખર્ચ કરવાની જરૂરિયાત નથી. આ બધી જ ચીજો તમે સરળતાથી પોતાના ઘરે જ કરી શકો છો.

વધારે પાણી પીવો

દરેક વ્યક્તિને એક દિવસમાં ઓછામાં ઓછું ૩ થી ૪ લીટર પાણી પીવું જોઈએ. હંમેશા લોકો એવું વિચારી લેતા હોય છે કે શિયાળાની ઋતુમાં પાણી ઓછું પીવું જોઈએ, જેના લીધે શરીરની અંદર પાણીની કમી થઈ જાય છે. પાણીની કમી થવાના કારણે શરીરમાંથી ભેજ નીકળી જાય છે અને હોઠ ફાટવા લાગે છે.

ગ્લિસરીન અને મધ

ગ્લિસરીન અને મધનું મિશ્રણ તમારા હોઠને નરમ જાળવી રાખવામાં મદદ કરે છે. જો તમારા હોઠ ફાટી રહ્યા હોય તો રાતે સુતા પહેલા આ બંનેનું મિશ્રણ કરીને પોતાના હોઠ પર લગાવો. સવારે ઉઠવા પર તમારા હોઠ એકદમ નરમ જોવા મળશે.

હોઠની નમી ખોવા દેશો નહી

જ્યારે હોઠની નમી ચાલી જાય છે તો હોઠ ફાટવા લાગે છે. હોઠની નમી જાળવી રાખવા માટે તમે પોતાના હોઠ પર નારિયેળનું તેલ કે ઓલિવ ઓઈલ લગાવી શકો છો. તમે પોતાના હોઠની નમી જાળવી રાખવા માટે લિપ બામ કે પેટ્રોલિયમ જેલીનો પણ ઉપયોગ કરી શકો છો.

હોઠ પર ભૂલમાં પણ જીભ ના ફેરવો

હોઠ પર જીભ ફેરવવાથી થોડા સમય માટે તમારા હોઠ નરમ થઈ જાય છે પરંતુ લાળમાં રહેલ સલાઈવા તરત જ સુકાઈ જાય છે અને તમારા હોઠને પણ સૂકવી નાખે છે. જેના લીધે હોઠ ફાટવા લાગે છે. જો તમને પણ આવી આદત હોય તો ખૂબ જ જલ્દી તેમને બદલી નાખો.

સિગરેટ પીવાનું છોડી દો

સિગરેટ પીવાથી તમારા હોઠ કાળા પડી જાય છે અને તેમની નમી પણ ખતમ થઇ જાય છે. નમી ખતમ થવાથી હોટ ફાટવા લાગે છે. જો તમે ઈચ્છતા હોય કે તમારા હોઠ પહેલાની જેમ જ ગુલાબી અને મુલાયમ રહે તો સિગરેટ પીવાનું બંધ કરી દેવું જોઈએ.

કોફીનું સેવન ઓછું કરી દો

ઘણા લોકો શિયાળાની ઋતુમાં વધારે કોફી પીવે છે. તેમને એવું લાગતું હોય છે કે તેનાથી સ્વાસ્થ્ય સારું રહે છે પરંતુ તેમાં રહેલ કૈફીન તમારા શરીરની નમીને ઓછી કરે છે, જેના લીધે તમારા હોઠની નમી પણ ચાલી જાય છે. હોઠ પરની નમી જતાની સાથે જ તમારા હોઠ ફાટવા લાગે છે.

Leave a Reply

Your email address will not be published. Required fields are marked *