મેષ રાશિ રાશિચક્રમાં પ્રથમ રાશિ હોય છે. આ રાશિના જાતકોનું ચરિત્ર ખૂબ જ ચોખ્ખું અને આદર્શવાદી હોય છે. લાલચ કરવી આ રાશિના જાતકોને બિલકુલ પણ પસંદ હોતી નથી અને પોતાની સાથે થયેલા અપમાનને તે જલ્દી ભૂલી શકતા નથી અને મનમાં દબાવીને રાખે છે અને જ્યારે પણ તેમને તક મળે છે તો બદલો જરૂર લે છે. મેષ રાશિના સ્વામી મંગળ છે. જો તમારી રાશિ મેષ હોય અને તમારા મગજમાં પ્રશ્ન ઉભા થઈ રહ્યા હોય કે વર્ષ ૨૦૨૧ મા તમારું આર્થિક, પારિવારિક, સ્વાસ્થ્ય, કરિયર અને પ્રેમ જીવન કેવું રહેશે તો વૈદિક જ્યોતિષ આધારિત મેષ રાશિફળ ૨૦૨૧ તમારા બધા જ પ્રશ્નોના જવાબ આપશે.
વર્ષ ૨૦૨૧ માં મેષ રાશિની આર્થિક સ્થિતિ
નવા વર્ષમાં મેષ રાશિના જાતકોની આર્થિક સ્થિતિની વાત કરવામાં આવે તો આર્થિક રૂપથી ૨૦૨૧ મેષ રાશિ માટે ઉત્તમ રહેશે. પરંતુ બિનજરૂરી પૈસા ખર્ચ કરવાની આદત તમને મુશ્કેલીમાં મૂકી શકે છે. ખર્ચાઓ પ્રત્યે બેદરકાર રહી શકો છો. પૈતૃક સંપત્તિથી લાભ પ્રાપ્ત થશે. પરિવારના લોકો તરફથી સહયોગ મળશે. આ વર્ષે અમુક નવો સામાન ખરીદશો તો પૈસાની બચત કરવામાં સફળ રહેશો નહી. તેથી કોઈ વધારે કીમતી વસ્તુ ખરીદતા સમયે થોડી સાવધાની રાખવી. તમને નવા વર્ષની શરૂઆતમાં કોઈ મહત્વપૂર્ણ સૂચના મળી શકે છે.
વર્ષ ૨૦૨૧માં મેષ રાશિનું પારિવારિક જીવન
નવા વર્ષના પ્રારંભિક ત્રણ મહિનાઓમાં પરિવાર તમારા માટે ખૂબ જ સકારાત્મક અને મદદગાર રહેશે. પરિવારની સલાહ પર ચાલવું તમારા માટે ખૂબ જ લાભદાયક સાબિત થશે. એકતરફી વિચારસરણી તમને પરેશાનીમાં મૂકી શકે છે. તમારે દગો આપવાવાળા લોકોથી દૂર રહેવું. નવા વર્ષમાં તમારા પારિવારિક જીવનમાં તમારે થોડી સમસ્યાઓનો પણ સામનો કરવો પડી શકે છે. વાદવિવાદ થવાની સંભાવના રહેલી છે. માતા-પિતાની સાથે સંબંધોમાં મધુરતા આવશે. સામાજિક કાર્યોમાં રુચિ લેશો. ભાગ્યની પ્રબળતાથી બધા જ પારિવારિક કાર્ય બનશે. એપ્રિલમાં નવા મહેમાનનું આગમન થઇ શકે છે.
વર્ષ ૨૦૨૧ માં મેષ રાશિનું સ્વાસ્થ્ય
નવા વર્ષમાં તમારે પોતાનાં સ્વાસ્થ્યનું ખૂબ જ ધ્યાન રાખવાની જરૂરિયાત રહેશે. જો તમારે સંપૂર્ણ વર્ષ સ્વસ્થ રહેવું હોય તો તમારે આહાર અને જીવનશૈલીમાં આવશ્યક પરિવર્તન લાવવાની જરૂરિયાત રહેશે. આ બદલાવ શું કરવાના રહેશે તે તમને સમય આવવા પર ખબર પડી જશે. આંતરડા, લીવર અને લોહી સંબંધિત સમસ્યાઓ તમને ઓગસ્ટથી સપ્ટેમ્બર મહિનામાં પરેશાન કરી શકે છે. જો તમે પોતાની ખાણીપીણીના પ્રત્યે સજાગ રહેશો અને સીમિત માત્રામાં આહાર લેશો તો તમારે સ્વાસ્થ્ય પ્રત્યે ચિંતા કરવાની જરાપણ જરૂર નથી.
વર્ષ ૨૦૨૧ માં મેષ રાશિનું પ્રેમ જીવન
મેષ રાશિવાળા લોકોની લવ લાઈફ આ વર્ષે ખૂબ જ સારી રહેશે. પ્રેમ સંબંધોમાં નવી ઉર્જાનો સંચાર થશે. તમને મહિલા મિત્રો તરફથી પૂર્ણ સહયોગ પ્રાપ્ત થશે. જો તમે સિંગલ હોય તો આ વર્ષે કોઈ મોટી ખુશખબરી મળી શકે છે. તમારે લવ લાઇફના સંબંધમાં કોઇ મોટો નિર્ણય લેવો પડી શકે છે. ખાસ ધ્યાન રાખવું કે તમે જે પણ નિર્ણય લેશો તે સરળતાથી બદલી નહી શકો. કોઈપણ વાતને લઈને વધારે જીદ કરવી નહી, નહીંતર વિવાદમાં પડી શકો છો. લવ લાઇફમાં જૂન મહિના બાદ સ્થિરતા આવશે. આ વર્ષે કોઈ અન્ય ધર્મના વ્યક્તિની સાથે તમારી નિકટતા વધી શકે છે.
વર્ષ ૨૦૨૧માં મેષ રાશિનું કરિયર
નવા વર્ષના મધ્યમાં કરિયર સંબંધિત થોડી મોટી સમસ્યાઓનો સામનો કરવો પડી શકે છે, પરંતુ સમયની સાથે સ્થિતિઓમાં સુધાર થતો જશે, તેથી વધારે ચિંતા કરવાની આવશ્યકતા નથી. આ વર્ષે નોકરીના ઘણા અવસર મળશે પરંતુ તમારે યોગ્ય સમયની રાહ જોવી પડશે અને તમારે પોતાની સમજણથી આ તકનો લાભ ઉઠાવવાનો છે. બેરોજગાર લોકોને નોકરીનાં અવસર મળશે અને જે લોકો પહેલાથી જ નોકરી કરી રહ્યા છે અને તે નોકરી છોડીને કોઈ અન્ય નોકરી કરવા માંગતા હોય તો તે તેમણે ત્યાં સુધી જુની નોકરી છોડવી નહી જ્યાં સુધી નવી ના મળી જાય.
મેષ રાશિનાં જાતકો માટે વૈદિક ઉપાય
જ્યારે પણ કોઈ લાંબી યાત્રા કરવા માટે ઘરેથી નીકળો ત્યારે કોઈ સફેદ ગાયને કાચા ચોખા જરૂર ખવડાવો, તેનાથી નિશ્ચિત રૂપથી તમારી યાત્રા શુભકારી રહેશે. મહિનાનાં પહેલા સોમવારે પરિણીત મહિલાઓએ સુહાગના સામાનનું દાન કરવું. તેનાથી તમારા પારિવારિક જીવનની બધી જ સમસ્યાઓ દૂર થશે.
મેષ રાશિ ૨૦૨૧ માટે શુભ મહિનો અને શુભ રંગ
મેષ રાશિના જાતકો માટે વર્ષ ૨૦૨૧માં નવેમ્બરનો મહિનો ખૂબ જ શુભ રહેશે. આ મહિને ઘણા શુભ સમાચાર પ્રાપ્ત થશે. જાંબલી રંગ તમારા માટે શુભ રહેશે.