રાશિફળ ૨૦૨૧ : આ ૬ રાશિઓની કિસ્મત ચમકાવી દેશે નવું વર્ષ, થશે ધનનો વરસાદ

વર્ષ ૨૦૨૦ એ લોકોને ખૂબ જ ઊંડા ઘા આપ્યા છે. દેશ દુનિયામાં લોકોને કોરોના મહામારીનાં લીધે નોકરી-વ્યવસાયમાં ખૂબ જ મોટું નુકસાન ભોગવવું પડ્યું છે. કોઈની નોકરી ચાલી ગઈ તો કોઈને વ્યવસાયમાં મોટું નુકસાન થયું. તેવામાં હવે વર્ષ ૨૦૨૧ પાસેથી લોકો ઘણી બધી આશાઓ રાખી રહ્યા છે. લોકોને આશા છે કે નવા વર્ષમાં કોરોના વાયરસ પણ ખતમ થઇ જશે અને પરિસ્થિતિ પહેલાનાં જેવી જ સામાન્ય થઈ જશે. જ્યોતિષ વિજ્ઞાન જણાવી રહ્યું છે કે વર્ષ ૨૦૨૧માં આર્થિક મામલાઓમાં અમુક રાશિઓની કિસ્મત ચમકી જશે અને સાથે જ આ રાશિઓના ધનના સાધનોમાં પણ વધારો થશે. તો ચાલો જાણી લઈએ કે કેવું રહેશે તમારું વર્ષ ૨૦૨૧ આર્થિક રાશિફળ.

Advertisement

મેષ રાશિ

મેષ રાશિવાળા લોકો માટે નવુ વર્ષ ૨૦૨૧માં ધનની સ્થિતિ ૨૦૨૦ ની તુલનામાં સારી રહેશે. મેષ રાશિવાળા જાતકો માટે આવકના નવા સ્ત્રોત પણ ઉત્પન્ન થશે, જ્યારે જો તમે લાંબા સમયથી કરજમાં છો તો તેમાંથી પણ તમને મુક્તિ મળી જશે.

વૃષભ રાશિ

સંપૂર્ણ વર્ષ ધનની પ્રાપ્તિ થતી રહેશે અને અડધું વર્ષ પસાર થયા બાદ વ્રુષભ રાશિ વાળા લોકોને સંપત્તિ લાભ પણ પ્રાપ્ત થઈ શકે છે, પરંતુ કરજ અને ખર્ચાઓ સમજી-વિચારીને કરવા.

મિથુન રાશિ

મિથુન રાશિ વાળા લોકોની આર્થિક સ્થિતિ નવા વર્ષમાં સામાન્ય રહેશે. સાથે જ તમારી આવશ્યકતાઓની પૂર્તિ પણ આ વર્ષે થતી રહેશે પરંતુ તે યાદ રાખવું કે કોઈપણ જગ્યાએ રોકાણ કરતાં પહેલાં ખૂબ જ સમજી વિચારી લેવું.

કર્ક રાશિ

કર્ક રાશિવાળા જાતકોને નવા વર્ષની શરૂઆતથી જ લાભ પ્રાપ્ત થવા લાગશે. શરૂઆતના મહિનાથી લઈને એપ્રિલ મહિના સુધીમાં તમને લોકોને આર્થિક લાભ પ્રાપ્ત થવાના યોગ બની રહ્યા છે. જો તમે કોઈને પૈસા ઉધાર આપેલા હોય અને તે પૈસા તમને હજુ સુધી પરત મળ્યા ના હોય તો તે પૈસા પણ તમને આ અવધિમાં પ્રાપ્ત થઇ શકે છે.

સિંહ રાશિ

સિંહ રાશિવાળા લોકોને નવા વર્ષની શરૂઆતમાં પૈસાની બાબતમાં પરેશાની આવી શકે છે, પરંતુ બાદમાં સ્થિતિ ધીમે-ધીમે સારી થતી જશે. વળી વર્ષના અંત સુધીમાં તમને પોતાના કરજમાંથી છુટકારો પણ મળી જશે.

કન્યા રાશિ

આ વર્ષે બિનજરૂરી ખર્ચાઓથી દૂર રહેવાની કોશિશ કરવી. તમને આ વર્ષે સંપતિ લાભ થશે અને તેમની સાથે જ ખર્ચાઓ પણ વધશે. તેવામાં ખર્ચ કરતા સમયે સાવધાની રાખવી કારણ કે તેનાથી તમારી સમસ્યામાં વધારો થઈ શકે છે.

તુલા રાશિ

આ રાશિવાળા લોકોને ધનને લઈને થોડી પરેશાનીનો સામનો કરવો પડી શકે છે. જોકે ખૂબ જ જલ્દી તમારી સ્થિતિમાં પણ સુધારો થતો રહેશે. સંપત્તિ સંબંધિત કોઈપણ પ્રકારના મામલાને લઈને સાવધાની રાખવાની આવશ્યકતા રહેશે, સાથે જ કોર્ટ-કચેરીથી પણ પોતાને દૂર રાખવાના પ્રયાસ કરવા.

વૃશ્ચિક રાશિ

વૃશ્ચિક રાશિવાળા જાતકો માટે આ વર્ષ ખૂબ જ ફળદાયી સાબિત થશે. સંપૂર્ણ વર્ષ આ રાશિવાળા લોકો પાસે ધનની કોઈ કમી રહેશે નહિ, જેના કારણે તમે પોતાના દરેક કાર્યો ખૂબ જ સારી રીતે પૂર્ણ કરી શકશો. વળી જો તમે કોઈ નવી સંપત્તિ ખરીદવા માંગતા હોય તો તેમાં પણ તમને ફાયદો થશે. નવી સંપત્તિ ખરીદવાના યોગ પણ બની રહ્યા છે.

ધન રાશિ

ધન રાશિવાળા જાતકોનું આ વર્ષે પ્રમોશન થશે અને નોકરિયાત લોકોના વેતનમાં પણ વધારો થશે. તેનાથી તમારું બેન્ક બેલેન્સ પણ વધશે અને તમને નવી સંપત્તિ મળવાના યોગ પણ બની રહ્યા છે.

મીન રાશિ

મીન રાશિવાળા લોકો માટે નવુ વર્ષ ધનની બાબતમાં ઉતાર-ચઢાવ ભરેલું રહેશે. તેવામાં મીન રાશિવાળા લોકોએ બચત પર વધારે ધ્યાન રાખવું પડશે. તમારી પહેલી પ્રાથમિકતા ધન બચાવવાના વિશે હોવી જોઈએ. કોઈપણ પ્રકારની પરેશાની દરમિયાન તમે આ ધનનો ઉપયોગ કરી શકશો.

કુંભ રાશિ

કુંભ રાશિવાળા લોકો માટે વર્ષ ૨૦૨૧ પૈસાની બાબતમાં સામાન્ય રહેશે, જ્યારે તમારી નોકરી અને વ્યવસાય પણ સામાન્ય રીતે ચાલશે. જો તમારા પર કોઈ કરજ છે તો તમને આ વર્ષે તેમાંથી મુક્તિ મળશે.

મકર રાશિ

આ રાશિના જાતકોને નોકરી અને વ્યવસાયમાં સુખદ સમાચાર મળશે. સાથે જ ધનનો પણ લાભ થશે. જો કે પૈસાની વધારે ઈચ્છા રાખતા લોકોએ સાવધાનીપૂર્વક યોજનાઓ બનાવવી, તેના માટે શોર્ટકટનો ઉપયોગ કરવો નહી.

Advertisement