કહેવામાં આવે છે કે મિત્રતા નિભાવવી સૌથી મોટો ધર્મ હોય છે. સાચો મિત્ર એવો હોય છે જે તમારા ખરાબ સમયમાં કામ આવે. વળી દોસ્તીમાં તો ઝઘડાઓ અને રકઝક ચાલતી રહેતી હોય છે પરંતુ ઘણીવાર પરિસ્થિતિ એવી ઉત્પન્ન થઈ જાય છે કે બે સારા મિત્રો એક બીજાનો ચહેરો પણ જોવાનું પસંદ કરતા નથી. પરંતુ જ્યારે વાત દોસ્તીની આવે છે તો આ બંને પોતાનો જીવ આપવા સુધી પણ તૈયાર થઈ જાય છે.
આ વિશે જ્યોતિષશાસ્ત્રનું કહેવું છે કે આ પાંચ રાશિના જાતકો મિત્ર માટે કંઈપણ કરવા માટે હંમેશા તૈયાર રહેતા હોય છે. આ રાશિવાળા લોકો પર તમે દોસ્તી માટે આંખ બંધ કરીને ભરોસો કરી શકો છો. આ લોકો ખરાબમાં ખરાબ પરિસ્થિતિમાં પણ દોસ્તી નિભાવે છે. તો ચાલો જાણી લઈએ આખરે કઈ છે તે પાંચ રાશિઓ.
વૃષભ રાશિ
જ્યોતિષશાસ્ત્રના અનુસાર વૃષભ રાશિના જાતકોમાં એક સાચા મિત્ર હોવાના બધા જ ગુણો મળી આવે છે. આ લોકો કોઇપણ પરિસ્થિતિમાં પોતાના મિત્રોનો સાથ છોડતા નથી. આ રાશિના જાતકો પોતાના મિત્રોને વ્યક્તિગત રૂપથી સહાય તો કરે જ છે પરંતુ સાથે સાથે માનસિક અને આર્થિક સહાયતા કરવામાં પણ અચકાતા નથી. જો તમારા કોઈ મિત્ર પણ વૃષભ રાશિના છે તો તમે ખૂબ જ ભાગ્યશાળી છો.
મિથુન રાશિ
જ્યોતિષશાસ્ત્ર કહે છે કે મિથુન રાશિના જાતકો મિત્રતામાં ક્યારેય પણ દગો આપતા નથી. આ લોકો હંમેશા ભરોસાને લાયક હોય છે. એટલું જ નહી મિથુન રાશિના જાતકો પોતાના મિત્ર વિશે ક્યારેય પણ ખરાબ સાંભળી શકતા નથી. આ લોકો પોતાના મિત્ર માટે ખૂબ જ ભરોસા લાયક હોય છે અને સાથે સાથે તેમને ખૂબ જ પ્રેમ પણ કરતા હોય છે. આ લોકો કોઈપણ પરિસ્થિતિમાં પોતાના મિત્રનો સાથ છોડવા વિશે વિચારતા પણ નથી.
કર્ક રાશિ
આ રાશિના લોકો પોતાના મિત્રો પ્રત્યે સંપૂર્ણ રીતે સમર્પિત હોય છે. દરેક સમયે તે પોતાના મિત્રોની મદદ કરવા માટે હંમેશા તૈયાર રહેતા હોય છે એટલું જ નહી પરંતુ તે તેના પ્રત્યે ખુબ જ લાગણી પણ રાખે છે. જ્યોતિષશાસ્ત્રના અનુસાર કર્ક રાશિવાળા લોકોની ફ્રેન્ડ લિસ્ટ ખૂબ જ લાંબી હોય છે અને આ લોકો પોતાના મિત્રોના દરેક સુખ-દુઃખમાં સામેલ હોય છે. જોકે કર્ક રાશિના લોકો થોડા ભાવુક સ્વભાવના હોય છે પરંતુ તે સાચા અને ખોટાની ઓળખ ખૂબ જ સારી રીતે કરી લેતા હોય છે.
સિંહ રાશિ
એસ્ટ્રોલોજીના અનુસાર સિંહ રાશિના જાતક મિથુન અને ધન રાશિના જાતકો માટે ખૂબ જ સારા મિત્ર સાબિત થઇ શકે છે. સિંહ રાશિના જાતકો હંમેશાં નિસ્વાર્થ ભાવથી પોતાની દોસ્તી નિભાવે છે. તે ક્યારેય પણ પોતાના મિત્રોના બદલી કંઈપણ મેળવવાની ઈચ્છા રાખતા નથી. ભલે સંપૂર્ણ દુનિયા તેમની વિરુદ્ધમાં થઈ જાય પરંતુ તે દુનિયાના ચક્કરમાં પોતાના મિત્રોનો ક્યારેય પણ સાથ છોડતા નથી.
મકર રાશિ
આ રાશિના જાતકો દોસ્તીના મામલામાં ખૂબ જ કમાલના વ્યક્તિ હોય છે. કહેવામાં આવે છે કે આ રાશિના લોકો પોતાની દોસ્તી નિભાવવા માટે કોઈપણ હદ સુધી જઈ શકે છે. તે પોતાના મિત્રો પ્રત્યે સંપૂર્ણ રીતે વફાદાર હોય છે. એટલું જ નહીં પરંતુ તેમને પોતાના મિત્રની પ્રગતિ જોવી પણ ખૂબ જ સારી લાગે છે. આ લોકો પોતાના મિત્રોને તેમની પર્સનલ લાઈફથી લઈને પ્રોફેશનલ લાઈફ સુધી હંમેશા ટોપ પર જ જોવા માંગતા હોય છે.