લસણ એક એવી વસ્તુ છે જે તમને લગભગ દરેક ભારતીય ઘરોમાં જોવા મળશે. ઘણા ઘરોમાં લસણ વગર કોઈપણ વાનગી બનતી નથી. તે લસણના ખોરાકનો સ્વાદ અનેકગણો વધારે છે. આ ઉપરાંત લસણ ખાવાના પણ ઘણા બધા ફાયદાઓ પણ છે. કાચુ લસણ ખાવાથી એન્ટીઓક્સિડેન્ટ, ફાઈબર, વિટામિન વગેરે મળે છે. સાથે જ તેના સેવનથી ડાયાબિટીસ, કોલેસ્ટ્રોલ અને હાઈ બીપી જેવી બિમારીઓ દુર થાય છે.
જોકે લસણનું સેવન કરવું દરેક લોકો માટે ફાયદાકારક નથી હોતું. કેટલાક લોકો માટે તેનાથી લાભ ને બદલે નુકસાન પણ થઇ શકે છે. આવા લોકોએ લસણનું સેવન બંધ કરી દેવું જોઈએ અથવા તેને ખુબ જ ઓછી માત્રામાં ખાવું જોઈએ. જો અમુક લોકો વધારે પ્રમાણમાં લસણ ખાય છે તો તેમને સ્વાસ્થ્ય સાથે જોડાયેલી ઘણી બધી સમસ્યાઓ થઇ શકે છે. તો ચાલો જાણી લઈએ ક્યાં લોકોએ લસણ ખાવાનું ટાળવું જોઈએ.
જો તમને હંમેશા એસિડિટી રહેતી હોય તો તમારે લસણ ખાવાનું ટાળવું જોઈએ. હકિકતમાં જો તમે એસિડિટીની સ્થિતિમાં લસણ ખાઓ છો તો તમને છાતીમાં બળતરાની સમસ્યા થઈ શકે છે. આ લસણ તમારી એસિડિટીને વધારે ઉત્તેજિત કરે છે તેથી તેનું સેવન ના કરવું તે સારું રહે છે.
જો તમારું પેટ નબળું છે એટલે કે તમે કોઈપણ ભારે કે મસાલેદાર વસ્તુ ખાઓ છો અને તરત જ તમારું પેટ ખરાબ થઈ જાય છે તો આ સ્થિતિમાં પણ તમારે લસણ ખાવાનું ટાળવું જોઈએ. લસણનો સ્વાદ ગરમ છે. જો તમે તેને ખાઓ છો તો તમારા પેટમાં બળતરા વધી શકે છે, જે તમારા પેટને વધુ ઝડપથી ખરાબ કરી શકે છે.
જો તમે એવા લોકોમાંથી છો, જેમને પરસેવો અને શ્વાસની દુર્ગંધની સમસ્યા વધારે રહે છે તો તમારે કોઈપણ કિંમતે લસણનું સેવન કરવાનું ટાળવું જોઈએ. તેને ખાધા બાદ તમારી સમસ્યા વધી શકે છે. લસણ ગરમ હોય છે અને તેનાથી પરસેવો વધારે થઈ શકે છે, જેનાં કારણે તમારા શરીરમાંથી વધુ દુર્ગંધ આવી શકે છે.
કેટલાક હૃદયનાં દર્દીઓ લોહી પાતળું કરવાની દવાઓ લે છે. આવા લોકોએ લસણનો ઉપયોગ પણ ખુબ જ વિચારીને કરવો જોઈએ. તમારે મર્યાદિત માત્રામાં લસણનું સેવન કરવું જોઈએ. જો તમે આવું નહિ કરો તો તમને સમસ્યાઓ થઈ શકે છે. તમારે તેનું સેવન કરતા પહેલા ડોક્ટરની સલાહ લેવી જ જોઇએ.