વર્ષ ૨૦૨૦ ભારત સહિત પૂરી દુનિયા માટે પરેશાન કરનાર સાબિત થયું છે. આ વર્ષે કોરોના વાયરસનાં રૂપમાં વૈશ્વિક મહામારીનો સંપૂર્ણ દુનિયાએ સામનો કર્યો. જેના લીધે બીજી ઘણી પરેશાનીઓ પણ સામે આવી. તેવામાં બધા જ લોકો વર્ષ ૨૦૨૧ની આતુરતાથી રાહ જોઈ રહ્યા છે. વર્ષ ૨૦૨૦ને ભુલાવીને લોકો ૨૦૨૧માં એક નવી શરૂઆત કરવા માંગે છે. તેથી દરેક વ્યક્તિ તે જાણવા માંગે છે કે આખરે વર્ષ ૨૦૨૧ તેમના માટે કેવું રહેશે. તો આજે અમે મીન રાશિના જાતકોના વિશે જણાવવા જઈ રહ્યા છીએ કે આખરે આ રાશિના જાતકો માટે વર્ષ ૨૦૨૧ કેવું રહેશે.
જ્યોતિષશાસ્ત્રનું માનીએ તો વર્ષ ૨૦૨૧ મીન રાશિના જાતકો માટે સામાન્ય રહેશે. આ વર્ષે તમારા અમુક બગડેલા કામ બનશે તો આર્થિક દ્રષ્ટિકોણથી પણ તમારા માટે આ વર્ષ સારું રહેશે. તો ચાલો વિસ્તારથી જાણી લઈએ, આખરે સ્વાસ્થય, શિક્ષા, વ્યવસાય, કરિયર, પ્રેમ અને આર્થિક મોરચા પર મીન રાશિનાં જાતકો માટે ૨૦૨૧નું વર્ષ કેવું રહેશે.
સામાન્ય
વર્ષ ૨૦૨૧માં તમને આર્થિક લાભ થઈ શકે છે. તમારા માટે આવકના નવા સ્રોતો ખુલશે. એટલું જ નહી પૈતૃક સંપત્તિનો પણ લાભ તમને આ વર્ષે મળી શકે છે. આ વર્ષે તમારા અટવાયેલા કાર્ય ઝડપથી પૂર્ણ થવા લાગશે. વર્ષની શરૂઆત તમારી અપેક્ષા પ્રમાણે થશે. આ વર્ષે તમને દરેક ક્ષેત્રમાં સફળતા મળશે. એપ્રિલ મહિના સુધીમાં તમારા બધા જ મહત્વપૂર્ણ કાર્યો પૂર્ણ થઇ જશે. પોતાની બુદ્ધિનો યોગ્ય ઉપયોગ કરીને ખૂબ જ આગળ વધશો. તમારી સખત મહેનતનું ફળ તમને અવશ્ય મળશે. વર્ષ ૨૦૦૧માં ભાગ્ય પણ તમને સાથ આપશે, તેવામાં સંપૂર્ણ વર્ષ દરમિયાન તમને વધારેમાં વધારે સફળતા મળશે. જો કોઈ કોર્ટ-કચેરીની બાબતમાં ફસાયેલા હોય તો તેમના નિર્ણયો તમારા પક્ષમાં આવવાની સંભાવના રહેલી છે. પરિવારના સદસ્યો સાથેના સંબંધોમાં મધુરતા આવશે. જો ૨૦૨૧માં તમે રોકાણ કરશો તો તે તમારા માટે ફાયદાકારક સાબિત થઈ શકે છે. જોકે વધારે વ્યસ્ત રહેવાના કારણે જીવનસાથી સાથેના સંબંધો પ્રભાવિત થશે. તેવામાં જરૂરી છે કે તમે સમયનો સદુપયોગ કરો.
વ્યવસાય
મીન રાશિના જાતકો માટે ઉદ્યોગ-વ્યવસાયનાં દ્રષ્ટિકોણથી વર્ષ ૨૦૨૧ ઉત્તમ રહેશે. જો વ્યવસાયમાં સક્રિય રહેશો તો આ વર્ષે તમને ભારે નફો થશે તમારા માટે અમુક નવા અવસરો પણ બની શકે છે. જો તમે પોતાના વ્યવસાયનું વિસ્તરણ કરવા માંગતા હોય તો તેમાં તમને સફળતા મળશે. આ વર્ષે વ્યવસાયમાં લાભ થવાના કારણે તમારી આર્થિક સ્થિતિ પહેલા કરતાં ખૂબ જ સારી થશે. વર્ષ ૨૦૨૧માં તમારે દેખાડો કરવાથી બચવું પડશે અને બિનજરૂરી ચીજોમાં ખર્ચાઓ કરવાથી પણ દૂર રહેવું પડશે. વર્ષની શરૂઆતમાં તમને વ્યવસાયમાં વધારે લાભ મળશે.
પ્રેમ
મીન રાશિના લોકો માટે પ્રેમની બાબતમાં આ વર્ષ કંઈ ખાસ રહેશે નહી. જો તમે કોઈની સાથે રિલેશનશિપમાં હોય તો તમારે સંયમથી સંબંધને નિભાવવા પડશે, પાર્ટનર સાથેના સંબંધોમાં કડવાહટ આવવા દેવી નહી. જો તમે સિંગલ છો અને કોઈ પાર્ટનરની તલાશ કરી રહ્યા છો તો તમારે આ વર્ષે ધૈર્ય જાળવી રાખવાની જરૂરિયાત રહેશે. પરિણીત લોકોને સંતાન પક્ષ તરફથી અમુક ચિંતાઓ રહી શકે છે. આ રાશિના જાતકો માટે ૨૦૨૧માં વિવાહનું શુભ મુહૂર્ત નથી.
સ્વાસ્થ્ય
મીન રાશિના જાતકો માટે સ્વાસ્થ્યની દ્રષ્ટિએ વર્ષ ૨૦૨૧ સારું રહેશે. તમારું સ્વાસ્થ્ય આ વર્ષે સારું રહેશે. રૂટિનમાં ખાણી-પીણી કરશો, જેનાથી તમને લાભ મળશે. જોકે સિઝનનાં સંક્રમણનું જોખમ જરૂર રહેશે, પરંતુ સંભાળીને રહેશો તો આ ખતરાથી પણ બચી શકાય છે. નવા વર્ષના અંતમાં અમુક જૂના રોગો સામે આવી શકે છે.
નોકરી
જે જાતકો નોકરિયાત છે, તેમના માટે પણ વર્ષ ૨૦૨૧ સારું રહેશે. નવા વર્ષમાં તમારી પ્રગતિ થઈ શકે છે, સાથે જ આવકમાં પણ થોડો વધારો થવાની સંભાવના રહેલી છે. નોકરીની મહત્વપૂર્ણ બાબતોમાં યોગ્ય સલાહ જરૂર લેવી. કાર્યક્ષેત્ર પર તમારા વરિષ્ઠ અધિકારીઓ તમારા કાર્યોથી ખુશ થશે.